خالد سليم عن أصالة: اتقالي إنها استبعدتني من مهرجان الإسكندرية.. ومقطعتش علاقتي بيها

01:31 م


الجمعة 30 يونيو 2023

كتب- مصراوي:

كشف الفنان خالد سليم عن علاقته بالفنانة السورية أصالة نصري وعن علمه باستبعادها له من مهرجان الإسكندرية.

وقال خلال لقائه ببرنامج حبر سري مع الإعلامية أسما إبراهيم المعروض عبر شاشة القاهرة والناس: اه الكلام ده اتقالي واتأكدلي من أكتر من جهة وأنا في الحاجات دي مبحبش أواجه خالص .. أقسم بالله أنا بعشقها وهي عارفة إني بحبها قوي ومقطعتش علاقتي بيها بالعكس”.

وروى موقف جمعهما بعد علمه باستبعادها له من المهرجان وقال: “أنا قدمت برنامج اسمه قعدة رجالة ومن ضمن النجمات اللي استضفناها كانت أصالة وأنا اللي دخلتها البلاتوه وقعدت واتكلمت معاها والكلام ده بعد الموضوع ده وكان ممكن أخلي أي حد تاني يعمل ده وكان ممكن أعمل شغلي وأمشي بس أنا مقطعتش علاقتي، وعمري ما هقطع علاقتي أنا بحبها ومعرفش هي ليه عملت كده”.

وأضاف: “معاتبتهاش لأن وقتها مكانش ينفع أتكلم معاها في أي حاجة عشان كان وقت طلاقها من أستاذ طارق العريان، وبعد الفترة دي لما ربنا كرمها وفاقت من اللي كانت فيه ممكن تكون صنفت مين تعرفه ومين لا واتقابلنا في مكان وكان فيه تجاهل منها وده كان سحور الفنانة جومانا مراد كانت عملاه في مكان في الزمالك، وكلنا كنا موجودين وأنا اللي كنت بصورهم لما طلبوا مني وكانت طول الوقت متجاهلاني الله أعلم ممكن تكون نفسيتها مكانتش كويسة وقتها بس أنا صورتها ودورت وشها ومشيت”.

حرص الفنان خالد سليم، على تهنئة الجمهور بعيد الأضحى المبارك 2023.

ونشر سليم، صورا له، عبر حسابه الشخصي على إنستجرام، وعلق: “كل عام وأنتم بخير بمناسبة حلول عيد الأضحى المبارك.. أعاده الله علينا وعليكم بكل الخير والسعادة والصحة”.