06:36 م
الإثنين 04 مارس 2024
كتب- مروان الطيب:
كشفت الفنانة منى إش إش عن قيام بعض الأشخاص بقتل الكلاب المتواجدة في المنطقة السكنية التي تعيش فيها، وذلك من خلال فيديو نشرته عبر حسابها الرسمي على تطبيق “تيك توك”.
وظهرت “منى” وهي منهارة من البكاء، وعلقت: “موتوا الكلاب خلاص موتوهم موتة بشعة جدًا واللي حاولت أعمله أني أمنعهم يحطوا السم، لكن فضلوا برضه لحد ما موتوهم، موتوهم بأقذر الطرق يعني كأني كنت واقفة قدام إرهابيين وبقي يمسك الكلاب يرميها وكانوا 4 أو 5 أشخاص لموا نفسهم واستقوا عليهم بالليل واحنا نايمين وعملوا العملة السودة دي، جارتي لقيتها بتكلمني كنت نايمة لقيتها بتصوت ومنهارة أن الكلاب بيموتوها بطريقة بشعة بيشلوها ويرموها بعزم ما فيهم في الحيطان وفي الأرض كلاب صغيرة مكملتش شهر”.
واستكملت: “إيه الإرهاب ده حاولت أكلم البوليس محدش رد عليا ومعرفتش أعمل أي حاجة وكانوا هيمسكوا فيا ومفيش لا رحمة ولا أي رجولة حرام عليكم، منظر في منتهى القسوة، مجزرة بمعنى كلمة مجزرة معرفتش أجيب حقهم معرفتش ألحقهم وكلاب مسالمة جدًا، وكانوا بيحضروا سم في الأكل وكانوا جايين يسموهم وأنا منعتهم والمرة دي استغلوا ان احنا نايمين وخدوا الكلام لموها ورموهم وسط الصحرا وأنا مش قادرة ومش عارفة أعمل إيه والمرة اللي فاتت مردتش أبلغ قالولي عشان الجيرة والجيران، قولوا لي إيه الحل نجيب حقهم إزاي!”.
وأعلنت منى إش إش مطلع العام الماضي سرقة حسابها الشخصي علي “فيسبوك” ونشرت مقطع فيديو عبر حسابها على “إنستجرام” وعلقت: “في حد حقير سرق أكونت الفيسبوك بتاعي، وحياة أمك ما هسيبك.. بس استنى النهار يطلع هاحبسك يا قذر الله يحرقك بجاز وسخ إن شاء الله.. منى إش إش”.
@monaesheshstar
♬ الصوت الأصلي – monaesheshstar
اقرأ أيضا:
ضرب وتعذيب وخطف.. مشاهد “بوليسية مثيرة” من الرحيل المؤلم للموسيقار حلمي بكر