08:47 م
الإثنين 30 يونيو 2025
كتب- مروان الطيب:
وجه المطرب مسلم، اعتذارا لنقيب المهن الموسيقية، مصطفى كامل، لما بدر منه من إساءة على حد قوله، بسبب تعرضه لوعكة صحية خلال الفترة الماضية
ونشر مسلم مقطع فيديو ظهر خلاله وهو يعتذر لنقيب المهن الموسيقية، عبر خاصية الاستوري على حسابه الرسمي على “إنستجرام”.
وقال مسلم في الفيديو: “بعتذر للنقابة والأستاذ مصطفى كامل، ولو كنت دعيت عليك أو حاجة ده بسبب إني شاب لوحدي وكنت تعبان وملقتش حد يقف جمبي في تعبي، وبيتي اتخرب بسبب إيقافي وخسرت النص في كل حاجة في حياتي، وأنا طموحي اشتغل زي زمايلي، واعتبرني زي ابنك”.
وتعود أزمة المطرب مسلم عندما وجه اتهاما لنقيب الموسيقيين كونه سببا في أزمته الصحية هو وزوجته اللذان تعرض لها خلال الفترة الماضية وكتب مسلم عبر خاصية الاستوري على حسابه ” انستجرام”: “حسبي الله ونعم الوكيل، والله ده ما يرضي ربنا، الصبح بتسد ليا شريان في القلب، وبالليل أنا ومراتي بنموت. ياريت تدعولنا، أنا حرفيًا شفت الموت. حسبي الله في كل واحد كان سبب في مرضنا. محدش همه الإنسان بيزعل إزاي ولا بينام الليل ازاي من الظلم.. وانتوا عارفين مين السبب. ومش مسامحك يا مصطفى يا كامل”.
كما كشف مسلم عن مقاضاته لنقابة المهن الموسيقية، بعد إصدارها قرارا بايقافه عن الغناء، مؤكدًا أن النقابة لم تستدعيه للتحقيق قبل اتخاذها أي إجراءات ضده.
ونشر مسلم فيديو عبر حسابه الرسمي على موقع انستجرام، قال فيه “اتفاجئت بقرار النقابة وإني اتوقفت وده مش موضوع سهل ولا موضوع عادي، المفروض إن نقابتك في أي بلد تانية لما بيكون فيه مشكلة بيكلموك يقولولك تعالى إحنا عاملين زي مجلس وتحقيق، إيه المشكلة وعملت إيه، لكن أنا اتوقفت بدون ما يتعمل حاجة من الحاجات دي معايا، صحيت الصبح لقيت قرار الإيقاف بدون أي وجه حق”.
وتابع “وأنا يعلم ربنا إني في حالي ومش بقرب من حد ولا بعمل مشاكل مع حد، متعرفش بقى هل ده عند وعايزين يعطلوك بأي شكل، دي مش حاجة بإيدي إني ناجح وكويس والناس بتطلبني، حاجة تزعلني إني بعد ما ببهدل نفسي شغل وبتعب، يتقالي اتوقفت وأن عليا شكاوي كتير، شكاوي إيه أنا مكانش فيه غير حفلة الإسكندرية وتعبت فيها واعتذرت وبعتلهم اني كنت في المستشفى وعندي ميكروب في الدم مش بحور، وممكن أوريكم الورق اللي بيقول إني تعبان وعندي ميكروب في الدم، وبعت ده ومحدش اهتم بالموضوع”.
وأكد مسلم محاولته الاتصال بالنقابة أكثر من مرة دون أن يتلقى أي رد، وأن لا أحد يهتم لحل مشكلته، مضيفا “مقلتش غير عوضي على ربنا والقرار اللي طالع بوقفي مش عليه توقيع النقيب الفنان مصطفى كامل، مش هقول غير حسبي الله ونعم الوكيل ومش هسيب حقي وهطلع على النائب العام وهرفع قضية ضد النقابة عشان ظلمتني، ومش عارف مشكلتي إيه”.
واختتم “مش هسيب حقي ومش هسكت هما عايزين يدمروا مستقبلي وأقعد في البيت بس احنا في دولة قانون، ومش هيوصلوني إني أطلع برة بلدي وأكمل حياتي في حتة تانية، أنا هكمل في بلدي وعمرها ما هتظلمني”.
اقرأ أيضا..
بإطلالة رشيقة.. أحدث ظهور لـ زينة بملابس رياضية والجمهور يعلق
“محطة فارقة في تاريخ مصر”.. هند صبري تشارك في احتفالات ذكرى ثورة 30 يونيو