بالفيديو.. أستاذ فقه: زمزم أفضل ماء على وجه الأرض وكله بركة.. ويجوز تناول حبوب لمنع نزول الحيض فى الحج

محمد جمال آخر تحديث: يونيو 15, 2023

03:14 م

الخميس 15 يونيو 2023

كتب- محمد قادوس:

قال الدكتور هاني تمام، أستاذ الفقه بجامعة الأزهر، إن ماء زمزم هو أفضل ماء موجود على الأرض، وكله بركة، فإن شربته للشفاء من مرض يشفيك أو للشبع يشبعك، مستشهدا بالحديث النبوي الشريف، ويروى عن سيدنا النبي محمد صلى الله عليه وسلم، أنه قال: “ماء زمزم لما شرب له”.

وأضاف تمام، خلال حواره مع الإعلامية مروة شتلة، بحلقة برنامج “البيت”، المذاع علي فضائية “الناس”: لازم نشرب بطريقة معينة، له كيفية معينة ليس مجرد ماء مثل أى ماء، لازم نعرف سواء رجل أو إمراة نشرب ازاى، وده علمه لنا الصحابة الكرام، فأول ما نشرب لازم نتوجه ناحية القبلة ونقول بسم الله، ونشرب على ثلاث مرات، يعنى نتنفس خارج الماء، وبعد ما نخلص شرب نقول (اللهم ارزقنا علما نافعا وشفاءا من كل داء)”.

واستكمل: “فى حاجة مهمة جدا فى شرب ماء زمزم وهى التضلع، يعنى أفضل أشرب ماء زمزم لحد ما أحس إن المياه دخلت كل ضلوعى، لازم نشرب قدر الإمكان وهو ما علمنا سيدنا النبي وإن بيننا وبين المنافقين التضلع بماء زمزم، يبقى لازم كل واحد مما يشرب بالنية التى نواها”.

وفي فيديو أخر تحدث أستاذ الفقه بجامعة الأزهر، عن حكم المرأة الحائض أثناء الحج؟، إن المناسك المتربطة بالحج لا يشترط فيها الطهارة إلا الطواف، لافتا إلى أن كل مناسك الحج من الوقوف بعرفات والسعى بين الصفا والمروة وغيرها، لا يشترط فيها إلا الطواف خاصة يوم العيد.

وتابع تمام: أول حاجة السيدة تروح للدكتور تبلغه حسب ظروفها الصحية، هل يمكنها أخذ دواء منع نزول دم الحيض، طيب نفع ومنع الحيض مفيش مشكلة، طيب لو نزل عليها الدم فى الحج تعمل إيه هنا بنقول لها الطهارة فى فترة الحيض طهارة، فى مرأة بينزل عليها الدم 6 أيام، طيب لو انقطع فى اليوم الرابع تتطهر وتقول تؤدى النسك بتاعها مفيش أى مشكلة، ويبقى كده خلصت النسك بتاعها”.

وبين أستاذ الفقه: لو الدم لم يمتنع، نقول لها طواف الإفاضة ده مستمر طوال شهر ذى الحج، طيب لازم تمشى من مكة والدم مستمر تنزل تطوف مفيش مشكلة بس تحاول تأخذ الاحتياطات كلها والأفضل إنها تستمر لحد امتناع الدم، لكن لو لم يمتنع وخلاص هتمشى من مكة تنزل وتطوف ومفيش عليها أى مشكلة”.