11:44 م
الإثنين 19 يونيو 2023
كتب- مروان الطيب:
تطرقت الإعلامية بسمة وهبة في حلقة الليلة من برنامجها “90 دقيقة” والذي يعرض على قناة “النهار” للتصريحات المثيرة للجدل التي قالتها اللبنانية جويل مردينيان وحديثها عن الملابس وعن تقييم البعض قائلة “الله خلقنا بدون هدوم”.
وهاجمت بسمة تصريحات “جويل” قائلة “السوشيال ميديا بقت أخطر من الشيطان وبقت هوس بيصيب الناس وأنا معاكم بس أنا عندي حدود، أنا ممكن يكون عندي هوس أبقى تريند لكن معملش حاجة شاذة معملش حاجة فيها عدم حياء معملش حاجة فيها فضيحة”.
واستشهدت بعدد من المواقف قائلة “زي مثلا اتنين مشاهير يعلنوا انفصالهم وهم يكونوا لسه متجوزين، زي مثلا فنانين يعلنوا اعتزالهم عن الفن عشان يطلعوا تريند وبعدين يرجعوا تاني”.
وعن تصريحات جويل مردينيان قالت “متدخليش ربنا في العري وتقولي أصل ربنا خلقنا عرايا بتعملي تريند، مالكيش دعوة بربنا وده بقى هوس التريند وسيبتي كل المشاكل وبتتكلمي إن ربنا مش هيحاسبنا على اللبس عشان خلقنا عرايا”.
وأثارت اللبنانية جويل مردينيان جدلاً كبيراً خلال الساعات القليلة الماضية بعد استضافتها ببرنامج “كتاب الشهرة” والذي يعرض على قناة الجديد بحديثها عن تقييم البعض للملابس.
وقالت “وممكن أكون لابسة من فوق لتحت ومغطية نفسي بالكامل لكن نيتي وتصرفاتي ونظرتي للآخرين مش حلوة وأنا لا أؤمن أن الله ما بيقف معنا اذا لبسنا لبس معين وانا عارفة ان فيه ناس كتير هتنتقدني والملابس مش مقياس للإيمان”.