12:20 ص
الجمعة 30 أغسطس 2024
كتب- مروان الطيب:
أعادت أسما شريف منير، الظهور مجددًا على “السوشيال ميديا” وخاصة عبر حسابها على “إنستجرام” بعدما قامت مؤخرًا بحذف جميع الصور ومقاطع الفيديوهات، حيث فوجئ متابعيها بحذف محتواها على التطبيق وسط العديد من التساؤلات.
ونشرت أسما، مقطع فيديو جديد عبر حسابها على “إنستجرام”، وعلقت: “هو احنا إزاي بنتعامل مع كل اللي بيحصل في حياتنا من أوقات الضعف والفرح والنجاح والفشل والسعادة والتعاسة، قد إيه بجد عارف أن كل ده له سبب، وأننا لازم نتعلمها، زي ما لازم نعرف أهمية الناس اللي بيدخلوا ويخرجوا من حياتنا، لأنهم أهم وأكبر درس ممكن تتعلمه، وشكلها كده الرسالة دي ليك أو ليكي، مش صدفة أنك تشوفيها”.
وكانت أسما شريف منير، كشفت عن السبب وراء حذف جميع الصور والفيديوهات من حسابها على “إنستجرام”، قائلة: “شلتي كل صورك ليه؟، عشان عايزة أشارك معاكم حاجة تفرق، تفرق مع شخص واحد بس، طب وهو إيه يعني اللي هيفرق في الصور دي؟، أول حاجة عايزة أوصلها من الصور دي، إنها من غير أي إيديت أو فلتر، ودي حاجة أنا في صراع دائم فيها، عشان بقيت بحب شكلي ب فلتر أكتر وده شئ محزن، فمحتاجة أحس أني حرة من الفلاتر والإيديت عشان أشجع بنات تكون حسه أحسن”.
واستكملت: “تاني حاجة في صور من شغلي ومشروعي اللي تعبانة فيه جدًا ومحتاجة أشاركوا معاكم عشان أشجع الناس إنها تاخد خطوة في إنها تبدأ من الصفر عادي مهما كانت مكانتها الاجتماعية، تالت حاجة مشروعي الأصغر هو الفخار، وده أنا عملته عشان أشجع المنتجات اليدوية الطبيعية الصحية وعشان أنا دلوقتي بختار أغلب اختياراتي في الحياة أي حاجة راجعة للطبيعة”.
وأضافت: “رابع حاجة، لما تخنت كنت مكسوفة بس تقبلت جسمي وحبيته بس ده مش معناه أني مش عايزة أوصل لأفضل شمل صحي ل جسمي، ف شغالة عليه وعندي خطة للتغيير، بس لحد ما أوصل للنتيجة الصح أنا حابه نفسي وأنوثتي وشايفة نفسي تمام أوي، خامس حاجة أني بحلم أحلام ناوية بكل قوتي أحققها ف بقيت بحط نفسي في الأماكن اللي شبه حلمي، بجذب الناس اللي بتفيدني، بحلم أحلام كبيرة بس مش وأنا قاعدة على الكنبة، وأنا بسعى في شغلي ومصدقة أني هوصل ل أكتر من ما بتمنى وده بقولوا عشان أشجعكم أنكم تتحركوا ومتأجلوش اللي نفسكم فيه مهما كانت الحاجة اللي موقفاكم”.
وأنهت حديثها قائلة: “سادس حاجة، التأمل في خلق الله، غير حياتي وخلاني أكون شخص أهدى وممتن أكتر، وحساس أكتر، أنا حقيقي نفسي أفيدكم وأساعد اللي بيتبعوني يكونوا أحسن بأي طريقة ممكنة، وأنا بحضر حاجات جديدة أتمنى أنها تكون مصدر إلهام ليكم، وحشتوني أوي”.
اقرأ أيضا:
بالفيديو.. أحلام ترد على شائعة انفصالها عن زوجها