بعد طلاقها غيابيا.. انهيار ريم طارق بسبب حسن شاكوش: “الموضوع أكبر من الخيانة”

12:40 ص


الثلاثاء 18 يوليه 2023

كتب- مروان الطيب:

حلت ريم طارق طليقة مؤدي المهرجانات حسن شاكوش ضيفة على برنامج “90 دقيقة” تقديم الإعلامية بسمة وهبة والذي يعرض على قناة “المحور”.

وتطرقت “ريم” إلى السبب الحقيقي وراء انفصالها عن “شاكوش” والأزمات التي تعرضت لها مؤخراً بسبب المشاكل بينهما وتعرضها للعديد من المضايقات بسببه.

وقالت “بسمة وهبة” مش قادرة أصدق انكم بعد 50 يوم جواز بقيتوا حديث الناس كلها ووصل الموضوع للمحكمة، وبسؤال “ريم”: “انتي اتطلقتي فعلاً” لترد عليها “الطلاق حصل بالفعل”، ولم تتمالك “ريم” نفسها وأجهشت بالبكاء.

لترد عليها “بسمة” مرة أخريطى “بقول لنفسي ليه ريم محاولتش ومتحملتش لأن الناس بتحتاج انها تتحمل بعض أول سنتين”، لترد عليها ريم “أنا اتحملت اللي محدش يتحمله من رابع يوم جواز وكل يوم بشوف قصة وموضوع، كفاية اني كنت مهددة أني أقعد في البيت أو أني أخرج من البيت معرفش أرجع”.

واستكملت “خلافات زوجية بس مش زي أي اتنين متجوزين وحسن طيب وابن حلال وجدع وشهم وهو ده اللي أنا شوفته فيه وعشان كده وافقت، بس الصورة حاجة والحقيقة حاجة تانية الشخص اللي في البيت حاجة تانية خالص وشوفت أبشع حاجات ممكن تتخيليها شوفت كل حاجة وحشة وحاجات أنا أو غيري مش هنقدر نتحملها”.

وأضافت “بعيداً عن الخيانة الموضوع مش موضوع خيانة الموضوع أكبر من كده بكتير بس إنسانياً وأخلاقياً ودينياً مش هقول، وأنا تعبانة ونفسي أقول لكل الناس بس مش هقدر أشيل الذنب ده”.

وأنهت حديثها قائلة “هل الشهامة أني أتعاير بمرض عندي؟، واتهمني اني كنت متجوزة وهو ميعرفش؟، وهي دي الشهامة انك تهددني ان حد معين هيطلع يتكلم عنك ويطلع تاني يوم في برنامج”.