“طلب فتوى الأزهر أحدثها”.. تصريحات الحلال والحرام التي أثارت الجدل حول عمر كمال
01:30 م
الإثنين 14 أكتوبر 2024
كتب-مصطفى حمزة:
دخل المطرب عمر كمال قوائم الأكثر بحثا على موقع البحث جوجل، عقب مطالبته فتوى من الأزهر، بشأن أمواله هل هي حرام أم حلال؟، وذلك في مقطع فيديو نشره عبر صفحته في موقع فيسبوك.
المطرب عمر كمال، تحت عنوان “حد يرد عليا” ظهر في مقطع فيديو عبر صفحته في موقع فيسبوك، وقال: “أنا ربنا كرمني آخر كرم علشان أنا علاقتي بربنا كويسة أظن ذلك، بس أنا بجد تعبت من الناس، تعبت نفسيًا أوي، عايز حد من الأزهر يطلع يرد عليا، بيقولولي معنى الكلام ربنا طيب لا يقبل إلا طيب، أنا بعمل إيه غلط، أنا بروح أغني في فرح بفرح الناس، بروح أغني في عيد ميلاد، أو في حفلة تخرج، أنا كـ عمر كمال عمري ما طلعت في حياتي في لايف ولا فيديو قولت أنا بعمل خير، اللي عايز يعمل عملية بعمله، واللي عايزني أساعده في إيجار بعمله، واللي بيته محتاج سقف بعمله، أنا بعمل اللي أقدر عليه”.
وأضاف: “شايل مسئولية 50 أو 60 فرد، فرقتي واللي شغالين معايا وأهلي، إنت بقى عملت إيه، ويقولولي أصل إنت فلوسك حرام، أنا فلوسي حرام بساعد بيها غيري، يعني اللي عايز يغسل كلى مرتين تلاتة في الشهر إنت عملتله إيه، أنا عملتله، واللي سقف بيته واقع والشتا داخل علينا أنت عملتله إيه قولي، أنا عملتله”.
وأضاف: “أنا عايز أعرف من أي شيخ في الأزهر، أنا بعمل خير، بجيب من هنا وأحط هنا، ده غلط ولا صح حد يقولي، مين فينا اللي صح هما ولا إحنا، لو أنا غلط هبطل أعمل خير خالص مش عايز أعمل خير تاني، علشان أنا تعبت نفسيًا، كل شوية حد يقولي الله طيب لا يقبل إلا طيب، أصل إنت مش هيتقبل منك، أصل إنت فلوسك مش عارف إيه،”.
ويأتي حديث المطرب عمر كمال بعد حديثه من قبل في عدة برامج ، عن الشكوك التي تطارده حول شرعية أمواله، هل هي حلال أم حرام ؟، وهو ما نرصده هنا
فلوس العمرة
كشف المطرب عمر كمال عن شرط تضعه والدته، عند التوجه لأداء مناسك العمرة، موضحا لجوئه للكذب عليها
المطرب خلال ظهوره في بودكاست “فايق ورايق”، مع الإعلامي إبراهيم فايق، قال: “ساعات بكدب على أمي لما بقولها إني مطلعها عمرة تقولي لا مش هطلع من فلوسك فأقول لها ده واحد صاحبي عنده شركة سياحة مطلعك ببلاش عشان توافق تسافر”
الراقصات
المطرب عمر كمال تعرض لحوار مشابه، خلال ظهوره مع الإعلامي العراقي نزار فارس، أجاب على سؤال عن واقعة دفع الراقصة خوفا على الوضوء، وقال : “مش علشان يلمس الوضوء، أنا فاكر الموقف، ممكن يكون الحفل في وقت بدري، ولدي بعده فرض يفرض الوضوء”.
وتابع: “ساعات أكون مواظب جدا على الصلاة، وعندي حالة إيمانية، وأكون مش عايز أغني جنب راقصة، أو ألمس حد، والتزم بذلك”.
أمام رب العالمين
عمر في البرنامج الذي عرض على قناة الرشيد، كان قد قد رد على سؤال عن مدى استعداده للوقوف أمام رب العالمين، والموت وهو يغني مع الراقصات، وقال: “لا مش مستعد أموت وأنا كده خالص”.
عمر كمال والدتي ترفض العمرة
عمر كمال و الراقصة و الوضوء
عمر يطلب فتوى