02:00 م
الخميس 25 مايو 2023
كتب- هاني صابر:
وجه الفنان تامر حسني، عدة رسائل مستعينا بعدد من أغانيه السابقة التي غناها وقدمها للجمهور، وذلك تزامنا مع تطور أزمة طليقته ووالدة أبنائه بسمة بوسيل ويارا السكري بعد تداول أنباء عن وجود علاقة عاطفية تربطه بها.
ونشر تامر، مقاطع فيديو لعدد من أغانيه تحمل عدة رسائل عبر ستوري حسابه على إنستجرام، وجاءت الرسائل التي تبدو مزدوجة المشاعر كالتالي:
– اللهم احفظنا من القريب قبل الغريب واحفظنا من اللي حافظنا وكارهنا وعامل حبيب.
– ياه سواد سواد مفيش رحمة.. والطيبة تاهت في الزحمة.
– حلوة ومرة كنا سوا وقلوبكوا بينا كانت تحس قولولنا ليه دلوقتي ليه نشوفكوا في الحلوة وبس.
– أنت عارف غلاوتك يا حبيبي قد إيه.. أنت عارف قيمة حبك جوا قلبي تسوى إيه.
– انت عارف قد إيه بحبك قد إيه.. أنت عمري أنت قلبي والعالم واللي فيه.
– لو فعلًا بتهمك راحتي زي ما بتقول.. كان المفروض لما تشوفني تفهم على طول، إنك طول ما أنت بعيد عني العمر بيجري ويسرقني ووجعي بيطول.
– كفاياك أعذار ولآخر مرة هقولهالك كفاياك أعذار، مش دايمًا هنسى وهصفالك على الوضع ده لأ.. اللي جاي مش خير، ولو هطول نهايتنا خليها في بالك.
– هتيجي في يوم هتلاقي نتيجة إهمالك عايشها وحيد والجرح كبير.
– عرفت اللي فيها عينيه بان عليها يا قلبي إنه ماحبنيش.. حاجات عيشنا ليها وعشمني بيها وأخرتها ليه طلعت مفيش.
– ليه كل اللي ياما وعدني بيه واللي اتفقنا زمان عليه ينساه وليه ماينسنيش، ايه دلوقتي شكلي هيبقى ايه، وياريتني أعرف بس ليه،كان ليا فيه وبقيت مليش.
– أنا تعبان من غيرك اسمعني وراضي ضميرك لو عادي تسيبني لغيرك أنا والله أموت أنا تعبان إسمعني.
– ولا هاصدق حاجة تقولهالي مهما تعيد وتزيد، مين اللي يضمنلي اني ما اندمشي مرة تاني كمان، ولا هاعلق روحي معاك من تاني بحلم جديد.
– ماهو اللي كان عنده حاجة يعملها كان عملها زمان، كمل لوحدك وافتكرني بخير ياله ما تقولش هانت قولتهالي كتير والله في حاجات تبان اخرتها من الأول، وأنا هغير رأيي بجد وصلت لأخري معاك.
– زي ما سهلة عليك تنساني هنساك.. هنساك ولا هرجع تاني.
– وأنا هعيش حياتي بعد منك هنا ..راحت خلاص أيام زمان.
– ما بقتش حاسس حاجة منك ليا أنا..ده خسارة فيك حتى السلام.
– هقولها وخلاص بعشق عينيه، وبحبه يا ناس مهما عمل فيا.
– من الليلة دي هبدأ حياتي من اللحظة دي وايدك في ايديا .
– يا حبيبي تعبت والله تعبت مبقتش أنا بتاع زمان، من يوم ما بعدت اه عني وغبت وحياتي ضاع منها الأمان.
– تعالا ارجع تاني معقول قادر تنساني وغيري خد مكاني.